Ukraina tashqi ishlar vaziri ijtimoiy tarmoqda qo‘shiq “kuyladi”
Chellenjga boshqa davlat TIV rahbarlari ham jo‘r bo‘lgan.
Ukraina TIV rahbari Dmitriy Kuleba mamlakat mustaqilligi kuni munosabati bilan X‘da Ukraina madhiyasini bir satrdan yozib “kuylash”ni boshlab berdi.
Keyinchalik bu ishga Shvetsiya, Shimoliy Makedoniya, Buyuk Britaniya, Fransiya, Germaniya, Italiya, Kanada, Yevropa Ittifoqi tashqi siyosat xizmati rahbari ham qo‘shildi.
AQSH davlat kotibi Entoni Blinken esa chellenjni yakunlab berdi.
Eslatib o‘tamiz, O‘zbekistonning Kiyevdagi elchixonasi Ukrainani 24 avgust kuni nishonlanadigan Mustaqillik kuni bilan tabrikladi. Tabrik elchixonaning Facebook‘dagi sahifasida eʼlon qilindi. Shuningdek, Qozog‘iston prezidenti Qosim-Jomart To‘qayev, Turkmaniston prezidenti Serdar Berdimuhammedov, Ozarbayjon prezidenti Ilhom Aliyevlar bayram munosabati bilan Ukraina prezidenti Vladimir Zelenskiyga tabrik telegrammasi yo‘llab, Ukraina xalqini Mustaqillik kuni bilan tabrikladi.
