Bayram shukuhi: Bektemirdagi bolalar bog‘chasida mustaqillik bayrami nishonlandi
Tarbiyalanuvchilar bayramona kiyimlarda davlatimiz ramzlari haqida bilimlar beruvchi turli obrazlarini sahnalashtirdi, jajji qizchalar davlat bayrog‘i, gerbini tasvirlab berishdi. Davlat madhiyasi kelajak avlodning beg‘ubor ovozlarida yangradi.
Bu yil O‘zbekistonda eng ulug‘ va eng aziz bayram davlatimiz mustaqilligining 32 yilligi tantana qilinmoqda. Ushbu bayram “Yangi O‘zbekistonda el aziz,inson aziz” deya o‘rtaga tashlangan yorqin g‘oya ostida har bir oila va xonadon, qishloq va mahalla, shahar va tumanlar, butun O‘zbekistonda misli ko‘rilmagan shodiyona ostida nishonlanmoqda. Xususan, Bektemir tumanidagi 578-sonli maktabgacha taʼlim tashkilotida ham bayram tadbiri bo‘lib o‘tdi.
Tarbiyalanuvchilar bayramona kiyimlarda davlatimiz ramzlari haqida bilimlar beruvchi turli obrazlarini sahnalashtirdi, jajji qizchalar davlat bayrog‘i, gerbini tasvirlab berishdi. Davlat madhiyasi kelajak avlodning beg‘ubor ovozlarida yangradi.
O‘zbekistonga bag‘ishlangan kuylarga raqsga tushishdi. Tadbirda bolajonlar tomonidan vatan haqida o‘zbek, ingliz hamda rus tilida sheʼr va qo‘shiqlar aytildi.
