Bugun barcha xodimlar ishdan bir soat erta ketishi mumkin

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida bir soatga qisqartiriladi.

Ertaga 1 sentabr — Mustaqillik kuni, yaʼni ishlanmaydigan bayram.

Demak, bugun ishga chiqqan xodimlar bir soat vaqtliroq uyiga ketishiga haqli.

Eslatib o‘taman, bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

Mustaqillik kuni munosabati bilan xodimlar ketma-ket uch kun dam oladi.