Surxondaryo hokimi bilan majlisda tortishgan direktor kaltaklandi
Viloyat hokimligi holat yuzasidan bayonot berdi.
Surxondaryo viloyati hokimligi matbuot xizmati kaltaklangan maktab direktori yuzasidan bayonot eʼlon qildi.
"Sariosiyo tumanidagi 28-maktab direktori Umida Tursunova bilan bog‘liq yuz bergan vaziyatdan chuqur afsusdamiz. Maʼlum bo‘lishicha, jabrlanuvchi tibbiyot muassasiga yetkazilib, tegishli muolajalar ko‘rsatilgan. Gumonlanuvchi tuman IIBga olib kelinib, surishtiruv ishlari olib borilmoqda. Holat yuzasidan tegishli huquq-tartibot organlari tomonidan jinoyat ishi qo‘zg‘atilgan va nazoratga olingan", deyiladi unda.
Viloyat hokimi Ulug‘bek Qosimov Umida Tursunovadan xabar olish uchun shifoxonaga yo‘lga chiqqan.
Avvalroq, hokim bilan majlisdan tortishgan direktor kaltaklanib ketgani xabar qilingandi.
