Samarqandda 6 talabani beton plita bosib qoldi
Holat bo‘yicha BP maʼlumot berdi.
Samarqand davlat universiteti Kattaqo‘rg‘on filialida faollar zalida o‘tkazilayotgan tadbir vaqtida binoning beton plitasi qulab tushdi. Bosh prokuratura axborot xizmati rahbari Hayot Shamsutdinov holat bo‘yicha maʼlumot berdi.
Qayd etilishicha, 4 sentyabr kuni soat taxminan 10:50 larda Kattaqo‘rg‘on shahrida joylashgan SamDUning Kattaqo‘rg‘on filialidagi zali shift qismiga o‘rnatilgan temir beton plitasi qulab tushgani oqibatida 6 nafar talaba qiz tan jarohati olgan. Hozirda binoning qurilishi hamda mukammal taʼmirlanishi holati mutaxassislar jalb qilingan holda o‘rganilmoqda.
Mazkur holat yuzasidan Kattaqo‘rg‘on shahar prokuraturasi tomonidan tergovga qadar tekshiruv harakatlari olib borilmoqda.
