Toshkentda metrolarning qatnov intervali qisqartirildi
Jumladan, Chilonzor yo‘nalishida poyezdlar 1,5 daqiqa oraliq vaqt bilan harakatlanadi.
Toshkentda metro poyezdlarining qatnov intervali qisqartirildi.
Qayd etilishicha, taʼlim muassasalarida o‘quv jarayonlari boshlanganidan so‘ng metropolitendan foydalanuvchi yo‘lovchilar soni birinchi o‘quv kunida qariyb 520 mingni tashkil etdi. Bu esa o‘tgan avgust oyining kunlik yo‘lovchilar soniga nisbatan 180 ming (53 foiz) yo‘lovchiga ko‘p.
Shularni hisobga olgan holda yo‘lovchilar oqimini nazoratga olish, xizmat sifatini oshirish maqsadida metropolitenning yo‘nalishlarida qatnov intervali tig‘iz vaqtlarda qisqartirildi.
Jumladan:
Chilonzor yo‘nalishi - 1.5-2 daqiqa;
O‘zbekiston yo‘nalishi - 3-4 daqiqa;
Yunusobod yo‘nalishi - 5 daqiqa;
Yerusti halqa metro yo‘nalishi - 7-8 daqiqa etib belgilandi.
“Metrodan doimiy tarzda foydalanuvchi yo‘lovchilar to‘lovni bank va transport kartalari orqali amalga oshirishsa, o‘z vaqtlarini tejashlari hamda kassa oldidagi tirbandlikni maksimal darajada kamaytirishiga zamin yaratadi”, — deyiladi xabarda.
