Chilonzorda bedarak yo‘qolgan erkakning jasadi topildi
U o‘z mashinasida o‘ldirib ketilgan.
Toshkentda bedarak yo‘qolgan erkak jasadi boshiga paket kiydirilgan holda o‘z mashinasidan topildi
Toshkent shahrining Chilonzor tumanida bedarak yo‘qolgan erkakning jasadi o‘z mashinasidan boshiga paket kiydirilgan holda topildi. Bu haqda Bosh prokuratura matbuot kotibi xabar berdi.
Maʼlum bo‘lishicha, 31 avgust kuni soat taxminan 18:00 larda 1996 yilda tug‘ilgan B.A. yashash manzilidan o‘z boshqaruvidagi qora rangli Gentra‘da chiqib ketib, bedarak yo‘qolgan.
O‘tkazilgan tezkor-qidiruv tadbirlari davomida Chilonzor tumani Bunyodkor ko‘chasidagi futbol sport maydoni hududida joylashgan avtoturargohda Gentra avtomashinasi ichida bedarak yo‘qolgan erkakning murdasi bosh yuz qismi bir necha qatlam polietilen paket bilan o‘ralgan holda topilgan.
Mazkur holatda erkakning murdasi shubhali holda aniqlangani va bir qator dastlabki tergov harakatlari o‘tkazmasdan turib qonuniy to‘xtamga kelish imkoni mavjud emasligini inobatga olib, Jinoyat kodeksining 97-moddasi 1-qismi bilan jinoyat ishi qo‘zg‘atildi. Tergov harakatlari olib borilmoqda.
