Jamoat transportlari bir kunda 1 milliard so‘mdan ortiq daromad qildi

Toshkent shahrida yangi o‘quv yilining ilk kunida jamoat transporti (avtobus va elektrobuslar) ishi haqida maʼlumot berildi.

“Toshshahartransxizmat” xabariga ko‘ra, 2023 yil 4 sentabr kuni avtobus yo‘nalishlari soni 167 tani, yo‘nalishga chiqarilgan avtobuslar soni 1707 tani, yo‘lovchilar soni 806 721 nafarni, qatnovlar soni 21 718 tani, oraliq interval 8-10 daqiqani tashkil etgan.

Bundan tashqari, shu kuni daromad 1 milliard so‘mdan ziyod bo‘lgan. 

Ushbu ko‘rsatkichlar 2022 yil 5 sentyabr kuni quyidagicha ko‘rinish olgan: 

avtobus yo‘nalishlari soni — 152 ta;

yo‘nalishga chiqarilgan avtobuslar soni — 841 ta;

yo‘lovchilar soni — 414 874;

qatnovlar soni — 11 127;

oraliq interval — 15-20 daqiqa;

daromad — 482 574,4 ming so‘m.