Mirziyoyev Butunjahon etnosport konfederatsiyasi raisini qabul qildi.
Uchrashuv avvalida Bilol Erdog‘an Turkiya Prezidenti Rejep Tayyip Erdog‘anning salomi va eng ezgu tilaklarini yetkazdi.
O‘zbekiston Respublikasi Prezidenti Shavkat Mirziyoyev 8 sentyabr kuni Butunjahon etnosport konfederatsiyasi raisi Najmiddin Bilol Erdog‘an boshchiligidagi delegatsiyani qabul qildi.
Suhbat davomida O‘zbekiston Prezidenti Etnosportni ommalashtirish sohasida xalqaro hamkorlikni yana-da kengaytirish muhimligini taʼkidladi
Milliy sport turlari va xalq o‘yinlarini yana-da rivojlantirish va ommalashtirish masalalari yuzasidan fikr almashildi.
Shuningdek, Butunjahon etnosport konfederatsiya raisi ilk marta Xiva shahrida o‘tkazilayotgan Xalqaro etnosport festivali qo‘llab-quvvatlangani va yuksak darajada tashkil etilgani uchun samimiy minnatdorlik bildirildi.
Suhbatda qo‘shma “yo‘l xaritasi” asosida taʼlim dasturlarini ishlab chiqish, tajriba almashish, mutaxassislar, murabbiy va hakamlarni tayyorlash, yoshlarni etnosportga keng jalb qilish bo‘yicha hamkorlikni kengaytirish masalalari ko‘rib chiqildi.
