Samarqandda fast-fuddan zaharlanganlar bo‘yicha qo‘shimcha maʼlumot berildi
Ular shifoxonaga o‘rta-og‘ir ahvolda yotqizilgan.
Avvalroq Samarqandda fast-fuddan ommaviy zaharlanish qayd etilgani xabar qilingandi. Holat yuzasidan Sanitariya-epidemiologik osoyishtalik va jamoat salomatligi qo‘mitasi Samarqand viloyat boshqarmasi qo‘shimcha maʼlumot berdi.
Bemorlarga “o‘tkir gastroentirit-ovqatdan zaharlanish” birlamchi tashxisi qo‘yilgan va ular yuqumli kasalliklar bo‘limiga o‘rta-og‘ir ahvolda yotqizilgan.
Shifoxonaga yotqizilgan 5 nafar bemorlar joriy yilning 12 sentyabr kuni tumanning Amir Temur mahallasida joylashgan savdo shoxobchalarining birida shaurma, xod-dog va gamburger mahsulotlarini isteʼmol qilishgani maʼlum bo‘lgan.
