"Atletiko" Lemarni 5-6 oyga yo‘qotdi
U uzoq vaqt maydonga tusha olmaydi.
"Atletiko" yarimhimoyachisi kecha "Valensiya"ga qarshi o‘yinda jarohati tufayli almashtirilgandi. Futbolchini zambilda olib chiqib ketishdi.
Madrid klubi 27 yoshli fransuzning payi yorilib ketgani haqida xabar berdi. U operatsiya qilinadi. Odatda bunday jarohatlardan keyin reabilitatsiya davri 5-6 oyni tashkil qiladi.
Bungacha Lemar turli jarohatlar tufayli "Atletiko"ning 50 dan ortiq o‘yinini o‘tkazib yuborgandi. Ayni paytda uning tarkibda yo‘qligining umumiy davri 260 kunni tashkil qiladi.
Toma 2018 yilda "Monako"dan "Atletiko"ga 72 mln yevro evaziga o‘tgandi. U klub tarixidagi eng qimmat futbolchilar orasida ikkinchi o‘rinni egallab turibdi — madridliklar faqat Joau Felish uchun (127 mln yevro) ko‘proq to‘lashgan.
