Toshkentda metrolar kechikayotgani aytildi
Holat bo‘yicha rasmiylar tushuntirish berdi.
Ijtimoiy tarmoqlarda poytaxtda metro yo‘nalishlarida poyezdlar uzoq vaqtda kelayotgani aytilgan xabarlar tarqaldi. Holat yuzasidan Toshkent metropoliteni munosabat bildirdi.
Qayd etilishicha, 19 sentyabr kuni 18:15 larda Toshkent bekatiga kirib kelgan 37-sonli harakat tarkibidagi yo‘lovchilardan birining tobi qochgan va ushbu yo‘lovchi vagondan bekatga olib chiqilib, tegishli tartibda yordam choralari ko‘rsatilgan. Buning natijasida ushbu harakat tarkibi yo‘nalishda belgilangan jadvaldan 2 daqiqa kech qolib harakatlangan.
“Hozirgi vaqtda ushbu yo‘nalishda poyezdlar belgilangan jadvalga asosan harakatini amalga oshirmoqda”, — deyiladi xabarda.
