Taʼlim muassasalarida yod preparati isteʼmoli to‘xtatildi
Bu bo‘yicha SSV ko‘rsatma xati eʼlon qildi.
Maktab va bog‘chalarga tarqatilgan yod preparati isteʼmoli to‘xtatildi. Bu haqda O‘zbekiston Respublikasi Sog‘liqni saqlash vazirligi “Ko‘rsatma xati” eʼlon qilindi.
Unda yozilishicha, 21 sentyabr kuni Namangan viloyati Chust tumanidagi 21-sonli maktabgacha taʼlim tashkilotining ayrim tarbiyalanuvchilari orasida tana haroratining ko‘tarilishi, qusish va qorin og‘rig‘i alomatlari kuzatilgan. Keyinchalik boshqa muassasalardan ham shu kabi murojaatlar tushgan bo‘lib, jami 71 nafar bolaning sog‘lig‘idan shikoyatlar qayd etilgan.
Shunga asosan respublikaning barcha hududlarida “Kaliy yodid 1 mg (0,001 G) tabletka №100 (Antistrumin)” dori vositasining taqdiri hal bo‘lgunga qadar zudlik bilan vaqtincha to‘xtatilishi so‘ralgan.
