Italiyada mashhur mafiya guruhiga qarshi operatsiya uyushtirildi
To'daning 50 dan ortiq a'zolari qo'lga olingani aytilmoqda.
Italiya huquq-tartibot idoralari “Ndrangeta” mafiya guruhiga qarshi keng ko‘lamli maxsus operatsiya davomida 50 dan ortiq kishini qo‘lga oldi.
400 dan ortiq odam ishtirok etgan "Karpantos" deb nomlangan operatsiyaga Italiyaning mafiyaga qarshi eng mashhur tergovchilaridan biri, prokuror Nikola Gratteri boshchilik qilgan.
Operatsiya natijasida 38 nafar shaxs hibsga olindi yana olti nafari uy qamog‘iga olindi, sakkiz kishiga esa o‘z tug‘ilgan shaharlarini tark etmaslik to‘g‘risida buyruq berildi.
Ular "Ndrangheta" bilan bog'liq turli jinoiy harakatlar, jumladan, giyohvand moddalar savdosi, pul yuvish va tovlamachilikda gumon qilinmoqda.
Ma'lumki, so'nggi yillarda "Ndrangeta" Italiyadagi kuchli mafiya tashkiloti sifatida Sitsiliya Kosa Nostrani siqib chiqardi va butun Yevropa va dunyoning boshqa mamlakatlariga tarqaldi.
