Hindistonda ikki kishi Nipah virusidan vafot etdi
Sanepidqo‘mita virusdan saqlanish bo‘yicha tavsiyalar eʼlon qildi.
Jahon sog‘liqni saqlash tashkiloti Hindistonning Kerala shtatida Nipah virusi avj olayotgani haqidagi maʼlumotini taqdim etdi. Joriy yilning 22 sentyabr holatiga ko‘ra, Nipah infeksiyasi bo‘yicha oltita holat tasdiqlangan bo‘lib, ikkita o‘lim holati yuz berdi.
Nipah virusi – bosh miya yallig‘lanishi yoki nafas yo‘llari kasalliklari bilan kechadigan jiddiy kasallikni keltirib chiqaradigan virus turi hisoblanadi.
Savdo-sotiq ishlari yoki sayohat uchun Hindistonga borishga chog‘langan fuqarolarga mazkur virusdan saqlanish uchun quyidagi tavsiyalarga amal qilishi kerak:
— shaxsiy gigiyena qoidalariga rioya etish;
— mevalarni isteʼmol qilishdan oldin yaxshilab yuvish;
— yangi siqilgan xurmo sharbatini qaynatib ichish;
— ko‘rshapalaklar tirnashi yoki tishlashi natijasida teshilgan mevalarni isteʼmol qilmaslik.
