O‘zbekistondagi favqulodda vaziyatlarda qancha odam halok bo‘lgan?
Bu bo‘yicha raqamlar ochiqlandi.
O‘zbekistonda 2022 yilda sodir bo‘lgan tabiiy va texnogen favqulodda vaziyatlar oqibatida 287 nafar inson halok bo‘lgan. Bu haqda favqulodda vaziyatlar vazirligi akademiyasida o‘tgan ilmiy-amaliy anjumanda maʼlum qilindi.
Statistik maʼlumotlarga ko‘ra, 2022 yilda sodir bo‘lgan tabiiy va texnogen xususiyatdagi favqulodda vaziyatlar 131 tani tashkil etgan. Oqibatda 287 nafar inson halok bo‘lgan, 297 nafari jabrlangan.
Shundan tabiiy xususiyatdagilari 55 tani, halok bo‘lganlar 127 nafarni, jarohat olganlar 88 nafarni tashkil etgan. Texnogen xususiyatli favqulodda vaziyatlarning asosiy qismini yong‘inlar tashkil etgan.
