Ko'pxotinlikka targ‘ib qilganlik uchun ma'muriy javobgarlik belgilandi
Senat tomonidan yana bir qonun ma'qullandi.
Oliy Majlis Senatining 45-yalpi majlisida "Jinoyat kodeksi va Ma’muriy javobgarlik to‘g‘risidagi kodeksga o‘zgartish va qo‘shimchalar kiritish haqida"gi qonun muhokama qilindi. Bu haqda Senat matbuot xizmati xabar berdi.
Yig‘ilishda so‘nggi paytlarda mamlakatda diniy nikohlar ko‘paygani, natijada ko‘pxotinlilik holatlari ko‘paygani ta’kidlandi.
Shuningdek, yig‘ilishda reklama, ko‘ngilochar va tahliliy materiallar orqali ko‘pxotinlilik va uning "afzalliklari"ni targ‘ib qilish holatlari ko‘paygani aytildi.
Buning natijasida mamlakatda nikohsiz tug‘ilgan bolalar soni ko‘paydi. Masalan, 2020 yilda respublikada yolg‘iz onaning arizasiga ko‘ra 16 564 nafar bola tug‘ilishi qayd etilgan bo‘lsa, 2022 yilda bu ko‘rsatkich 18 955 nafarga yetdi.
Yig‘ilishda Jinoyat kodeksi va Ma’muriy javobgarlik to‘g‘risidagi kodekslariga o‘zgartish va qo‘shimchalar kiritish orqali qonunda ustunlikka targ‘ib qilish yoki nikohi qayd etilmagan shaxslar diniy nikoh marosimini o‘tkazish uchun ma’muriy va jinoiy jazo belgilanishi ko‘zda tutilgani ta’kidlandi.
Shu bilan birga, Qonun bilan ikki yoki undan ortiq xotin bilan er-xotin bo‘lib yashashni targ‘ib qilganlik, xotin-qizlar va erkaklar teng huquqliligini ochiqdan-ochiq inkor etganlik uchun ma’muriy javobgarlik belgilanmoqda.
