Toshkentda Kichik halqa yo‘lining bir qismi yopildi
12 oktyabrgacha ko‘chada taʼmirlash ishlari olib boriladi.
Toshkent shahrida kichik halqa yo‘lining bir qismi yopildi. Bu haqda shahar hokimligi maʼlum qildi.
Qayd etilishicha, yog‘ingarchiliklar oqibatida hududlarda suv to‘planib qolishining oldini olish maqsadida drenaj tizimlarini reja asosida yangilash va taʼmirlash ko‘zda tutilgan.
Shu ishlar doirasida Kichik halqa yo‘lining Istirohat ko‘chasi bilan kesishmasidan Qo‘rg‘oncha ko‘chasigacha bo‘lgan qismi 2023 yil 30 sentyabr soat 22:00 dan 12 oktyabrgacha qisman yopiladi.
Harakat yo‘lning bir tomonidan har ikki yo‘nalishda amalga oshiriladi.
"Keltirilgan noqulaylik uchun uzr so‘ragan holda haydovchilarga shu vaqt oralig‘ida aylanma yo‘llardan foydalanishni tavsiya qilamiz", - deyiladi xabarda.
