Amerikalik aktyor va rejissyor Go‘ri Amir maqbarasidagi taassurotlari haqida gapirdi

 

 

XV Toshkent xalqaro kinofestivalining Samarqanddagi yopilish marosimida amerikalik aktyor va rejissyor Kevin Speysi so‘zga chiqdi:  

"Bugun kino bayramida sizlar bilan birga ekanligimdan baxtliman. 

 

Samarqanddagi Go‘ri Amir maqbarasida betakror naqshlarni tomosha qilayotgan vaqtimda chap qo‘lim uvushib qoldi va meni tarixiy shahardagi zamonaviy tibbiyot muassasasiga olib borishdi. Menga tezkor yordam ko‘rsatishdi va yaxshiki, jiddiy hech narsa sodir bo‘lmapti. Samarqandda bu qadar malakali tibbiyot mutaxassislar borligidan hayratga tushdim. 

 

Inson hayoti juda nozik va qisqa, shunday ekan hamma birgalikda bir-birini qo‘llab yashashi kerak, — dedi Speysi.