Xorazmda bolalar majburiy mehnatga jalb qilingani aytilmoqda
Holat yuzasidan rasmiylar izoh berdi.
Ijtimoiy tarmoqlarda Xorazm viloyati Qo‘shko‘pir tumanida o‘quvchilar majburiy mehnatga jalb qilingani aytilgan video tarqaldi. Viloyat Maktabgacha va maktab taʼlimi boshqarmasi holatga munosabat bildirdi.
Xabarda Qo‘shko‘pir tumani 19-son maktab o‘quvchilari direktor tomonidan sholi ekini ekilgan yer maydoniga ishlash uchun yuborilgani keltirilgan.
Holat yuzasidan vakolatli tashkilotlar hamkorligida o‘rganish ishlari olib borildi. Ushbu vaziyat o‘quvchilarning ota-onalari ishtirokida muhokama qilindi.
O‘rganish natijasida maktab direktori tomonidan o‘quvchilarni majburiy mehnatga jalb qilinganligi holati o‘z tasdig‘ini topmadi.
