Toshkent viloyatida chegaradan qurol olib o‘tayotganlar ushlandi
Hozirda holat yuzasidan surishtiruv olib borilmoqda.
Toshkent viloyatida avtotransport vositasida yashirincha qurol olib o‘tmoqchi bo‘lganlar ushlandi. Bu haqda viloyat bojxona boshqarmasi xabar bermoqda.
Qayd etilishicha, “Yallama” chegara bojxona postiga fuqaro boshqaruvida kirib kelgan “Gruzovoy furgon” rusumli avtotransport vositasi bojxona ko‘rigidan o‘tkazilganida, og‘zaki so‘rovda maʼlum qilinmagan yo‘lovchi bojxona deklaratsiyasida yozib ko‘rsatilmagan va hech qanday hujjatlari bo‘lmagan 2 dona 454 gr yelim idishda “TAMBOV WOLF 32” nomli “Porox” hamda 100 dona “FETTER 12 RUS” nomli gilzalar borligi aniqlandi.
Hozirda ushbu holat yuzasidan bojxona organlari tomonidan surishtiruv harakatlari davom etmoqda.
