Issiq suv hisoblagichlari uchun Telegram-bot yaratildi
Botdan o‘zbek va rus tillarida foydalanish mumkin.
“Veolia Energy Tashkent” kompaniyasi issiq suv hisoblagichlarining ko‘rsatkichlarini yuborish uchun “Telegram-bot"ni ishga tushirdi. Bot yordamida hisoblagich ko‘rsatkichlarini jo‘natib, maʼlumotlarni olish mumkinligi aytilmoqda.
@vet_pokazaniya_bot botidan o‘zbek va rus tillarida foydalanish hamda hisoblagich ko‘rsatkichlarini bir necha daqiqada u orqali yuborish mumkin. Maʼlumotni jo‘natish uchun shaxsiy hisob va telefon raqamni yuborish kerak. Maʼlumotlarni olgandan so‘ng, “Telegram-bot” tasdiqlash uchun so‘rov yuboradi.
Agar kvartirada 2 va undan ortiq hisoblagich o‘rnatilgan bo‘lsa, unda ko‘rsatkichlarni jamlab, umumiy summani botga yuborish zarur.
Bundan tashqari, agar maʼlumotlarni kiritishda xatoga yo‘l qo‘yilsa, to‘g‘ri maʼlumotlarni botga qayta yuborish kerak. Oxirgi olingan ko‘rsatkichlar “Veolia Energy Tashkent” maʼlumotlar bazasida ko‘rsatiladi.
Kompaniya bot orqali olingan ko‘rsatkichlarni isteʼmolchilarning shaxsiy akkauntlariga muntazam ravishda yuklab boradi.
