Toshkent metrosida poyezd 12 daqiqa to‘xtab qoldi
Rasmiylar hodisa sababini maʼlum qildi.
Ijtimoiy tarmoqda Toshkent metropolitenining Milliy bog‘ bekatida poyezd buzulib, 20 daqiqa to‘xtab qolgani aytilgan xabar tarqaldi. Holat yuzasidan rasmiylar izoh berdi.
Bugun, 10 oktyabr kuni soat 17:12 larda Chilonzor yo‘nalishining Milliy bog‘-Novza peregoni estakasida harakatlanayotgan 29-sonli harakat tarkibida yo‘lovchilar oqimi ko‘p bo‘lgani bois texnik nosozlik holati kuzatilgan. Ushbu harakat tarkibi 12 daqiqa vaqt davomida harakatlana olmagan.
Mashinist tomonidan o‘rnatilgan tartibda ko‘rilgan chora-tadbirlar natijasida poyezd harakati qayta yo‘lga qo‘yilgan.
Hozirgi vaqtda yo‘nalishda poyezdlar harakati belgilangan jadval asosida amalga oshirilmoqda.
