O‘zbekistonning oltin-valyuta zaxiralari yana 1,65 mlrd dollarga kamaydi
Zaxiralar ketma-ket oltinchi oy (aprel oyidan beri) pasayib bormoqda.
Markaziy bank ma’lumotlariga ko‘ra, 1-oktabr holatiga ko‘ra, O‘zbekistonning rasmiy zaxira aktivlari sentabr oyida 1,65 milliard dollarga kamaygan holda 31,04 milliard dollarni tashkil qildi. Bu 2020-yil 1-apreldan beri eng past ko‘rsatkich bo‘lib, o‘shanda zaxiralar 31,27 milliard dollarni tashkil qilgan.
Zaxiralar ketma-ket oltinchi oy (aprel oyidan beri) pasayib bormoqda va yil boshidan buyon mamlakatning "moliyaviy xavfsizlik yostig‘i" 4,73 milliard dollarga kamaydi.
O‘tgan oyda xalqaro valyuta zaxiralari 1,3 milliard dollarga (-15 foizga) qisqarib, 7,39 milliard dollarni tashkil qildi. Ko‘rsatkich 2013-yildan beri statistikaning butun davri uchun antirekordni yangilashda davom etmoqda. Yil boshidan buyon valyuta zaxiralari 4,25 milliard dollarga kamaydi.
