Amerikalik erkak yurak xurujini yovvoyi tabiat bilan davoladi
Kasallikka chalingach, u o‘rmondagi g‘orda yashashni boshlagan.
Sobiq amerikalik harbiy Donni Dust yoshligida yurak xurujiga uchragandan so‘ng hayotini tubdan o‘zgartirishga qaror qilgan. Buning uchun u o‘rmondagi g‘orda yashashga qaror qildi va sivilizatsiya bilan aloqani imkon qadar qisqartirdi.
37 yoshli erkak yuragiga stend qo‘yishga rozi bo‘lmadi va o‘ziga boshqa yo‘l bilan yordam berishga qaror qildi. U yurak xurujidan oldin ekstremal turizm bilan shug‘ullangan, sayohatlarda guruhlarga hamroh bo‘lgan va og‘ir sharoitlarda qanday omon qolishni biladi. O‘zining hozirgi holati haqida o‘ylab, o‘rmonga borishga, g‘orda yashashga, ovlashga va daryolardan suv ichishga qaror qildi.
Shunga qaramay, dastlabki olti oy davomida Dust o‘rmon va Koloradodagi uyi o‘rtasida yashadi, u yerda xotini hamda ikki o‘g‘li qolgan. O‘rmondagi hayoti davrida erkak zamonaviy jihozlardan foydalanmagan, quyon va baliq ovlagan, olovda ovqat pishirgan. Asosan rezavorlar, ildizlar, qo‘ziqorinlar isteʼmol qilgan. U bir nechta g‘orlarni yashash uchun moslashtirdi va vaqti-vaqti bilan biridan ikkinchisiga ko‘chib o‘tdi.
Hozirda sobiq harbiy xizmatchi o‘zini sog‘lom va baxtli inson sifatida taʼriflaydi. U o‘zining yovvoyi tabiat bilan davolanish tajribasini bir nechta kitoblarda tasvirlab bergan.
