Falastin-Isroil mojarosi oqibatida 250 ga yaqin shifoxona zarar ko‘rdi
JSST bu bo‘yicha maʼlumotlarni ochiqladi.
Jahon sog‘liqni saqlash tashkiloti Falastin-Isroil mojarosi hududidagi tibbiyot muassasalariga 240 ga yaqin hujum uyushtirilganini qayd etdi. Bu haqda tashkilot rahbari Tedros Adhanom Gebreyesus maʼlum qildi.
Maʼlumotlarga ko‘ra, G‘azo sektorida kuchayib borayotgan mojaro qurbonlari soni to‘qqiz ming kishidan oshgan.
Hozirgacha vafot etganlar soni 9061 nafarni tashkil etgan, ulardan 3760 nafari bolalar va 2326 nafari ayollar. 32 ming kishi jarohatlangan. Isroilda HAMAS hujumlari natijasida umumiy hisobda 1400 dan ortiq aholi halok bo‘ldi.
