Yangi COVID-19 shtammi bir nechta qit’aga tarqaldi: JSST xavf ortayotganidan ogohlantirdi
Yangi koronavirus shtammi Kanada, AQSh va Yevropada aniqlangan.
Jahon sog‘liqni saqlash tashkiloti (JSST) yangi PJ.2.1 koronavirus variantining dunyo bo‘ylab tarqalish xavfi ortib borayotganini ma’lum qildi. Bu haqda tashkilotning Rossiyadagi vakolatxonasi RIA Novosti agentligiga xabar bergan.
JSST ma’lumotlariga ko‘ra, ushbu variant ilk bor 2026-yil may oyida Kanadaning Ontario provinsiyasida aniqlangan. Shundan buyon u bir nechta qit’aga, jumladan, Kanada, AQSh va Yevropaga tarqalgan. Xalqaro qatnovlar davom etayotgani sababli uning boshqa mamlakatlarda ham aniqlanish ehtimoli ortmoqda.
Shu bilan birga, tashkilot PJ.2.1 varianti SARS-CoV-2 virusining yaqinda aniqlangan boshqa turlariga qaraganda kasallikni og‘irroq keltirib chiqarishini tasdiqlovchi klinik ma’lumotlar hozircha mavjud emasligini ta’kidlagan.
