Sanʼat arbobi Xayrulla Jo‘rayev vafot etdi
U 78 yoshda edi.
O‘zbekistonda xizmat ko‘rsatgan san’at arbobi Xayrulla Jo‘rayev 19-noyabr kuni 78 yoshida vafot etdi. Bu haqda O‘zbekiston Kinoarboblari ijodiy uyushmasi xabar berdi.
Xayrulla Jo‘rayev 1945-yilda Jizzaxda tug‘ilgan. 1970-yilda ToshDUning jurnalistika fakultetini tugatgan.
O‘zbekiston ilmiy-ommabop va hujjatli filmlar kinostudiyasida rejissor, muharrir, bosh muharrir (1976—87). “Videofilm” markazi direktori (1988— 89) sifatida faoliyat yuritgan.
“Ahmatovlar oilasi”, “Abdumannon Umarov”, “Abdulla Qodiriy”, “Hamid Olimjon” va boshqa Qisqa metrajli, “Fuqaro”, “Barcha fazilatlar senda mujassam”, “Afg‘oniston, 85-yil kuzi”, “Ikki million tanish chehra” (M.Qayumov bilan hamkorlikda) va boshqa to‘la metrajli filmlar yaratgan.
2000-yilda “Do‘stlik” ordeni bilan mukofotlangan.
