Jahon banki O‘zbekistonning elektron tijoratga tayyorgarlik indeksini ishlab chiqdi
Mazkur indeks har bir hududning elektron tijoratga tayyorligini ko‘rsatadi.
Jahon banki O‘zbekistonning elektron tijoratga tayyorgarlik indeksini ishlab chiqdi. Uni shu yil oxirigacha nashr etilish rejalashtirilgan. Bu haqda Jahon bankining elektron tijorat bo‘yicha eksperti Ilhom Aliyev maʼlum qildi.
Toshkentda Xalqaro PLAS-forumi bo‘lib o‘tmoqda. Unda qayd etilishicha, Jahon banki tomonidan tayyorlangan indeks respublikaning har bir hududining elektron tijoratga tayyorligini ko‘rsatadi.
Masalan, dastlabki natijalarga ko‘ra, Toshkent eng yaxshi ko‘rsatkichga ega bo‘lgan bo‘lsa, Surxondaryo viloyatida kamroq tayyorgarlik ko‘rilgan.
"Tahlil qilishda mutaxassislar, masalan, isteʼmolchilarning ko‘nikmalari, internetga kirish va tovarlarni etkazib berish kabi ko‘rsatkichlarni hisobga olishgan", — dedi Aliyev.
Indeksni tuzish ustida Rossiya Oliy Iqtisodiyot maktabi, Garvard biznes maktabi, Xitoy elektron tijorat assotsiatsiyasi va Toshkentdagi Vestminster universiteti ishtirokida xalqaro ekspertlar guruhi ishlagan.
