Qizini kaltaklagan mast ona reabilitatsiya markaziga joylashtirildi
Maʼlum bo‘lishicha, ayol muqaddam sudlangan va doimiy ravishda spirtli ichimliklar isteʼmol qiladi.
Kecha, 22-noyabr kuni ijtimoiy tarmoqlarda Toshkent shahrining Mirzo Ulug‘bek tumanida mast ayol qizini kaltaklagani aks etgan videolar tarqalgandi. Holat yuzasidan Ijtimoiy himoya milliy agentligi rasmiy munosabat bildirdi.
O‘rganish ishlari davomida fuqaro V.A. turmush o‘rtog‘i bilan birga yashamasligi, doimiy ravishda spirtli ichimlik isteʼmol qilishi, doimiy ish joyiga ega bo‘lmaganligi sababli Toshkent shahridagi bir qator tumanlarda ko‘p qavatli uylardagi xonadonlarning egalari bilan kelishib, uy yo‘laklarini tozalab kunlik daromad topishi aniqlangan.
Hozirgi kunda fuqaro V.A. Toshkent shahar ayollarni reabilitatsiya va moslashtirish markaziga joylashtirilgan. voyaga yetmagan V.I Toshkent shahar voyaga yetmaganlarga ijtimoiy-huquqiy yordam ko‘rsatish markaziga joylashtirilib, psixolog va pedagoglar tomonidan uning ruhiy holatini yaxshilash yuzasidan ishlar amalga oshirilmoqda.
