Andijonda muruvvat uyining sobiq rahbariga nisbatan jinoyat ishi qo‘zg‘atildi
U 4 milliard so‘mdan ortiq mablag‘ni talon-toroj qilgani aytilgan.
Ijtimoiy tarmoqlarda tarqalgan xabarlarga ko‘ra, “Muruvvat” nogironligi bo‘lgan bolalar uchun internat uyining sobiq direktori m.m. qurilish ishlari uchun ajratilgan 4 milliard so‘mdan ortiq mablag‘ni talon-toroj qilgani aytilgan. Mazkur holat yuzasidan Andijon viloyati prokuraturasi
Aniqlashicha, “Muruvvat” nogironligi bo‘lgan bolalar uchun internat uyida amalga oshirilgan qurilishlar davomida jami 1 milliard 74 million so‘mlik byudjet mablag‘lari talon-toroj qilingan.
“Holat bo‘yicha qurilishni amalga oshirgan jamiyatlar hamda internat uyining mansabdor shaxslariga nisbatan Jinoyat kodeksining 167-moddasi 3-qismi “a” (ko‘p miqdorda firibgarlik) bandi va boshqa moddalari bilan jinoyat ishi qo‘zg‘atilgan.
Hozirda jinoyat ishi yuzasidan Qo‘rg‘ontepa tuman prokuraturasi tomonidan tergov harakatlari olib borilmoqda”, — deyiladi prokuratura axborotida.
Xabarda qo‘shimcha qilinishicha, viloyat prokuraturasi tomonidan jinoyat ishining tergovi ustidan nazorat o‘rnatilgan.
