Yaponiya markaziy bankining balans yo‘qotishlari rekord darajaga yetdi
Ko‘rsatkich mart oyidagi 157 milliard iyenadan sezilarli darajada ko‘pdir.
So‘nggi olti oy ichida Yaponiya banki davlat obligatsiyalari bo‘yicha eng katta balans yo‘qotdi. Bu markaziy bank o‘n yillik obligatsiyalar daromadliligi ustidan nazoratni yumshatganidan so‘ng uzoq muddatli foiz stavkalarining oshishi bilan izohlanmoqda.
Yaponiya banki 2023 moliyaviy yilning birinchi yarmi uchun moliyaviy hisobotlarini eʼlon qildi. Sentyabr oyi oxirida davlat obligatsiyalari bo‘yicha balans yo‘qotishlari 10,5 trillion yoki 70 milliard dollardan ortiqni tashkil qildi.
Bu ko‘rsatkich mart oyidagi 157 milliard iyenadan sezilarli darajada ko‘pdir va 2004 moliyaviy yilda taqqoslanadigan maʼlumotlar mavjud bo‘lganidan beri eng yuqori ko‘rsatkichdir.
Yaponiya bankining taʼkidlashicha, amalga oshirilmagan yo‘qotishlar uning qisqa muddatli daromadlari va siyosatiga taʼsir qilmaydi, chunki u obligatsiyalarni muddatiga qadar ushlab turishni rejalashtirmoqda.
Biroq, tahlilchilarning fikriga ko‘ra, yashirin yo‘qotishlarning yana-da oshishi valyuta kursiga ham, diskont stavkalariga ham taʼsir qilishi mumkin.
