O‘zbekistonda ilk bor “Bolalar sayyohlik bazasi” ochildi
Bu yerda bolalar turizmini rivojlantirishga qaratilgan to‘garaklar yo‘lga qo‘yiladi.
Maktabgacha va maktab taʼlimi vazirligining tashabbusi bilan Namangan viloyatida 150 o‘rinli “Bolalar sayyohlik bazasi” foydalanishga topshirildi.
Sayyohlik bazasining ochilishiga 14 ta hududdan 98 nafar o‘quvchi sayohatga olib kelindi.
Sayyohlik bazasini qurishdan asosiy maqsad o‘quvchilarga o‘lka tarixini yaqindan tanishtirish, joylarda bolalar turizmini rivojlantirish orqali zamonaviy to‘garaklar faoliyatini yo‘lga qo‘yishdan iborat.
“Bolalar sayyohlik bazasi” ochilish marosimida Maktabgacha va maktab taʼlimi vaziri o‘rinbosari Dilshod Kenjayev hamda Namangan viloyati hokimi Shavkat Abdurazzoqovlar ishtirok etdi.
“Bolalar sayyohlik bazalari” faoliyati Samarqand, Qarshi, Buxoro va Xiva shaharlarida ham tashkil etilishi ko‘zda tutilgan.
Namangandagi sayyohlik bazasini qurish uchun respublika byudjetidan 7,8 mlrd so‘m mablag‘ ajratilgan.
