O‘zbekistonda salkam 20 darajagacha iliq bo‘lishi kutilyapti
Dam olish kuni ayrim hududlarda yomg‘ir yog‘adi.
23-24 dekabrdan O‘zbekiston hududiga janubdan iliq havo kirib kelishi davom etadi va harorat ko‘tariladi.
Shanba va yakshanba kunlari harorat +12...+17 darajagacha ko‘tariladi. Kechalari ham havo iliq bo‘ladi, yakshanba kuniga borib, harorat kechasi +2...+7 darajagacha ko‘tariladi.
Bu kunlarda havo biroz bulutli bo‘ladi, baʼzi joylarda o‘zgarib turadi, yog‘ingarchilik kutilmaydi. Faqat ayrim tog‘oldi va tog‘li hududlarda 24 dekabr, yakshanba kuni asosan yomg‘ir ko‘rinishidagi yog‘ingarchilik bo‘lishi mumkin.
Respublika bo‘yicha baʼzi joylarga kechasi va ertalab tuman tushishi mumkin, Farg‘ona vodiysining ayrim joylariga tuman tushishi kunduzi ham saqlanib turadi.
24 dekabrda respublika bo‘yicha baʼzi joylarda shamol tezligi 15-20 metr/sekundgacha kuchayishi mumkin.
Poytaxtda 22-24 dekabr kunlari yog‘ingarchilik kutilmaydi. Kechasi va ertalab baʼzi joylarga tuman tushishi mumkin.
