“Kinematografiya fidokori”ga kimlar munosib ko‘rildi?

 

 

“Renessans” kino uyida Prezidentning maʼnaviyat va maʼrifat kengashi kengaytirilgan yig‘ilishidagi maʼruzasida berilgan vazifalarni bajarish bo‘yicha Respublika kinematograflari forumi bo‘lib o‘tdi. Tadbirda Kinematografiya agentligi direktori Firdavs Abduxoliqov ishtirok etdi.

 

Kinematografiya agentligi direktori matbuot kotibi, tizim tashkilotlari, xususan, "O‘zbekfilm" kinokonserni, “Yoshlik” kinostudiyasi, "Hujjatli va xronikal filmlar" kinostudiyasi vakillarining 2023 yil hisoboti va 2024 yilga mo‘ljallangan rejalari tinglandi.

 

Shundan so‘ng Kinoarboblar ijodiy uyushmasi raisligiga saylov bo‘lib o‘tdi. Uyushma aʼzolarining ko‘p sonli ovozi bilan O‘zbekistonda xizmat ko‘rsatgan artist Matyoqub Matchanov uyushma raisligiga saylandi.

 

 

Kunning ikkinchi yarmida "O‘zbekfilm" kinokonserni pavilyonida konsert dasturi tashkil etildi. Bir qator kinoijodkorlar "Kinematografiya fidokori" ko‘krak nishoni bilan taqdirlandi. Jumladan, kinodramaturg Erkin Aʼzam, rejissyor Temurmalik Yunusov, kinoshunos Xamidulla Akbarov, aktyor Said Muxtorov, O‘zbekiston xalq artistlari Muhammadali Abduqunduzov va Gavhar Zokirova va boshqalar ko‘krak nishoni va bir martalik pul mukofoti bilan taqdirlandi.

 

Shuningdek, "O‘zbekfilm" kinokonserni direktori Bahodir Odilov "Yilning eng yaxshi faol xodimi" deb topildi.