Ota-onalar to‘lagan kontrakt pullari daromad solig‘idan ozod qilinadi
Bu bo‘yicha Prezident tomonidan Konun imzolandi.
Prezident tomonidan imzolangan Qonun bilan ayrim qonun hujjatlariga o‘zgartirish va qo‘shimchalar kiritildi.
Soliq kodeksiga soliq hisobotlarini 3 yil but saqlashga oid o‘zgartirish kiritildi (ilgari 5 yil edi).
Kameral soliq tekshiruvida quyidagi soliq nazorati tadbirlarini o‘tkazish taqiqlandi (qo‘shilgan qiymat solig‘ining o‘rnini qoplash (qaytarish) maqsadida o‘tkaziladigan kameral soliq tekshiruvi mustasno):
—soliq to‘lovchi hududiga kirish;
—soliq to‘lovchi hududi va binolarini ko‘zdan kechirish;
—soliq to‘lovchidan hujjatlarni talab qilib olish va uni chaqirtirish;
—soliq to‘lovchining hujjatlari va buyumlarini olib qo‘yish.
Endilikda soliqqa oid huquqbuzarlik uchun 3 yil ichida javobgarlik masalasi ko‘rib chiqilishi kerak, 3 yildan keyin shaxs huquqbuzarlik sodir etganlik uchun javobgarlikka tortilishi mumkin emas (ilgari 5 yil edi).
Ota-onalar har qanday yoshdagi farzandlarining professional va oliy taʼlim tashkilotlarida o‘qishi uchun to‘lagan pullari daromad solig‘idan ozod qilinadi.
Ilgari faqat 26 yoshgacha bo‘lgan farzandlar uchun to‘langan pullardan daromad solig‘i olinmagan.
