Ertaga Namanganda avtobuslar bepul xizmat ko‘rsatadi
Bu shahar ichi yo‘nalishidagi avtobuslar uchun amal qiladi.
Ertaga Yangi yil bayrami munosabati bilan Namangan shahrida avtobuslar bepul xizmat ko‘rsatadi.
Namangan viloyati hokimi tashabbusiga asosan, Yangi yil bayramida aholiga qo‘shimcha qulaylik yaratish maqsadida 31 dekabr kuni shahar ichi yo‘nalishidagi avtobuslar bepul xizmat ko‘rsatadi.
Xususan, Namangan shahar yo‘nalishida 1-sonli "3-kichik tuman – Taxtako‘prik", 7-sonli "Oromgoh – Eshobod“, 10-sonli "Xamza – Go‘zal", 12-sonli "Suv xo‘jaligi – Chorsu", 13-sonli "Chorsu – 1-kichik tuman", 18-sonli "Irvadon – Chorsu", 21-sonli "1-kichik tuman – Jahon bozori", 23-sonli "Axsikent – 36-maktab", 29-sonli "Sherbuloq – Chorsu" yo‘nalishida harakatlanuvchi avtobuslar xizmatidan yo‘lovchilar bepul foydalanishi mumkin.
