O‘zbekistonda fuqarolar egaligida qancha ko‘chmas mulk bor?
Bu haqda Kadastr agentligi maʼlum qildi.
2024 yil 1 yanvar holatiga jismoniy va yuridik shaxslar egaligida 8 million 184 005 ta ko‘chmas mulk obyektlari mavjud. Shundan:
yakka tartibdagi turar joy obyektlari — 6 million 244 ming 155 ta;
ko‘p qavatli uylardagi kvartiralar — 1 million 492 ming 818 ta;
noturar joy obyektlari — 601 ming 478 tani tashkil etadi.
2023 yilning shu davriga nisbatan solishtirganda o‘sish dinamikasi respublika bo‘yicha jami 154 446 ta ko‘chmas mulkni tashkil etadi. O‘sish dinamikasi bo‘yicha top uchtalikni quyidagi hududlar egalladi:
Toshkent shahri — 24 525 ta;
Qoraqalpog‘iston Respublikasi — 15 549 ta;
Xorazm viloyati — 14 811 ta.
