Materiallari tarqatilishi taqiqlangan kontentlarning yangi ro‘yxati eʼlon qilindi

Din ishlar bo‘yicha qo‘mita ️Oliy sud tomonidan ekstremizm va terrorizm g‘oyalari bilan yo‘g‘rilgan deb topilgan mamlakatga olib kirish, tayyorlash, tarqatish va namoyish etish taqiqlangan materiallar ro‘yxatini eʼlon qildi.

 

Qo‘mita avvalgi ro‘yxatni 2023 yil may oyida eʼlon qilgandi. 

 

Diniy mazmundagi quyidagi g‘oyalar aks etgan materiallar tegishli qonun hujjatlariga ko‘ra O‘zbekiston hududida tayyorlash va tarqatilishiga yo‘l qo‘yilmaydi:

 

• jinsi, irqi, millati, tili, dini, ijtimoiy kelib chiqishi, eʼtiqodi, shaxsiy yoki ijtimoiy mavqeyiga qarab yoki boshqa holatlarga ko‘ra kamsitish yoxud o‘zga shaxslar mahsulotlarini obro‘sizlantirish;

• O‘zbekistonning mavjud konstitutsiyaviy tuzumi, hududiy yaxlitligini zo‘rlik bilan o‘zgartirishga daʼvat qilish;

• urush, zo‘ravonlik, terrorizm, shuningdek diniy ekstremizm va separatizm g‘oyalarini targ‘ib etish;

• milliy, irqiy, etnik yoki diniy adovat qo‘zg‘atuvchi axborotni tarqatish;

• diniy eʼtiqodni o‘zgartirishga daʼvat qilish;

• dindorlarning diniy tuyg‘ularini haqorat qilish yoki kamsitish;

• fuqarolarni o‘z konstitutsiyaviy majburiyatlarini bajarmaslikka chaqirish;

• davlat, jamoat yoki diniy tashkilotlarning huquqlari va mol-mulkiga tajovuz qilishga undash.

• diniy qo‘mita, ro‘yxat, taqiqlangan materiallar