Taʼlim muassasalari uchun o‘quv-uslubiy filmlar yaratiladi
Bu bo‘yicha Hukumat qarori bilan Nizom tasdiqlandi.
Hukumat qarori bilan taʼlim muassasalarida dars o‘tish uchun o‘quv-uslubiy filmlarni ishlab chiqarish tartibi to‘g‘risida nizom tasdiqlandi.
Unga ko‘ra, o‘quv-uslubiy filmlar mavzulari Oliy taʼlim, fan va innovatsiyalar vazirligi hamda Maktabgacha va maktab taʼlimi vazirligi tomonidan har yili 30 yanvargacha Kinematografiya agentligiga taqdim etiladi. Shunga ko‘ra, Agentlik tomonidan har yili 50 tagacha film ishlab chiqariladi.
Bunda filmlarning mavzulari o‘quvchi va talabalar o‘zlashtirishi murakkab bo‘lgan fanlar, ularning asoslari, mavzulari (formula, teorema, qonuniyatlari) asosida shakllantiriladi.
Filmlarni joylashtirish uchun 2024 yil 1 aprelgacha o‘quv-uslubiy filmlar portali va mobil ilovasi yaratiladi.
