Andijonda Gentra urib yuborgan 77 yoshli erkak vafot etdi
Bu haqda viloyat Yo‘l harakati xavfsizligi boshqarmasi maʼlum qildi.
Andijon shahrida 13 yanvar kuni Gentra haydovchisi piyodani urib yubordi. Bu haqda viloyat Yo‘l harakati xavfsizligi boshqarmasi xabar berdi.
Shaharning O‘zbekiston ko‘chasida 24 yoshli haydovchi xususiy korxonaga tegishli Gentra avtomobilini boshqarib ketayotgan bo‘lgan. Shu paytda yo‘lning belgilanmagan qismidan kesib o‘tayotgan 77 yoshli piyodani urib yuborgan.
YTH oqibatida piyoda olgan tan jarohatlari bilan shifoxonaga yotqizilgan. Biroq ko‘rsatilgan tibbiy muolajalarga qaramasdan bir kundan so‘ng vafot etgan.
Hozirda mazkur holat yuzasidan tergovga qadar tekshiruv ishlari olib borilmoqda.
