Andijondagi tez yordam bo‘limida yong‘in chiqqani aytildi
Holat yuzasidan FVB rasmiy maʼlumot berdi.
Ijtimoiy tarmoqda Andijon viloyatining Baliqchi tumanidagi tez yordam bo‘limida yong‘in sodir bo‘lgani aytilgan xabarlar tarqaldi. Holat yuzasidan Favqulodda vaziyatlar boshqarmasi rasmiy izoh berdi.
Qayd etilishicha, fuqaro K.I. ga tegishli butkada yong‘in kelib chiqqan. Bu haqda tuman Favqulodda vaziyatlar bo‘limiga soat 21:18 da xabar kelib tushgan.
Qutqaruvchilar Chinobod shaharchasiga zudlik bilan yetib kelib, yong‘inni soat 21:37 da bartaraf etishgan.
Yong‘in natijasida yog‘och qurilmaning 10 kvadrat metri yonib zararlangan. Fuqarolar orasida yong‘indan tan jarohati olganlar yo‘q.
