Toshkentda yangi olingan uydan qadimiy kitoblar topildi
Ular eski o‘zbek yozuvidagi qo‘lyozmalar bo‘lib chiqdi.
Toshkent shahrining Yashnobod tumanida yashovchi fuqaro yangi uy sotib olgan uyidan XIX-asr oxiri XX asr boshlariga tegishli qadimiy kitoblar topib olgan. Mazkur qo‘lyozmalar Madaniy meros agentligi va uning shahar boshqarmasi masʼullari tomonidan o‘rganildi.
Fuqaroning murojaatiga asosan yangi uydan topilgan tarixiy kitoblar ustida atroflicha o‘rganish ishlari olib borildi. Tekshiruvlar natijasida topilgan ashyolar eski o‘zbek yozuvidagi qo‘lyozma va toshbosma kitoblar ekanligi aniqlandi. Ularning ichida sheʼriy to‘plamlar, badiiy va ilmiy-ommabop kitoblar ham bor ekanligi maʼlum bo‘ldi.
Topilgan kitoblar fuqaroning shaxsiy mulki ekanligini inobatga olgan holda agentlik xodimlari tomonidan qo‘lyozmalarni davlatga topshirish yoki sotib yuborishi mumkinligi tushuntirildi.
Agentlik xodimlari tomonidan fuqaroga ushbu kitoblarni davlatga topshirish yoki topilmalar shaxsiy mulki bo‘lgani sabablari sotib yuborishi ham mumkinligi yuzasidan tushuntirish ishlari olib borildi.
Eslatib o‘tamiz, mazkur kitoblar ustida batafsil o‘rganish ishlari yakuniga yetgach qo‘shimcha maʼlumotlar taqdim etiladi.
