Endi vaksinalarni shprissiz yuborish mumkin
Rossiyalik olimlar buning yo‘lini topishdi.
Rossiyalik mutaxassislar odamlarga dori-darmonlarni inyeksiyalarsiz yuborish imkonini beruvchi istiqbolli texnologiyani ishlab chiqishdi.
Maʼlum qilinishicha, bunda shprislar qalinligi 0,6 millimetrgacha kichik ignalar bilan almashtiriladi, ular terining shox pardasidan osongina o‘tadi va asab tugunlariga taʼsir qilmaydi.
Ushbu usul mutlaqo og‘riqsiz va juda samarali bo‘lib, ayniqsa bolalarni emlashda qulaylik yaratadi.
Universitet mutaxassislarining fikriga ko‘ra, kelajakda bunday kichik ignali plastirlar anʼanaviy inyeksiyalarning o‘rnini bosadi. Bundan tashqari, teriga kirgandan so‘ng, kichik ignalar tez eriydi va dori-darmonlar va turli xil vaksinalarni qo‘llashda yaxshi samara beradi.
Endi universitet olimlari uni ommaviy ishlab chiqarishni boshlash uchun loyihani takomillashtirish ustida ish olib boradi.
