Qashqadaryoda hokim yordamchisi tabiatga salkam 10 mln zarar yetkazdi
U daraxtlarni noqonuniy kesib yuborgan.
Qashqadaryoda daraxt kesgan hokim yordamchisi jarimaga tortildi. Bu haqda Ekologiya vazirligi xabar bermoqda.
Qayd etilishicha, Qashqadaryo viloyati Ekologiya boshqarmasi Yakkabog‘ tuman bo‘limi inspektorlari tomonidan nazorat reyd tadbiri olib borilgan.
Reyd davomida Yakkabog‘ tumani “To‘qboy” MFY hududida hokim yordamchisi P.R. tomonidan 20 tа naʼmatak butasi va 5 та olcha daraxti noqonuniy kesilganligi aniqlandi.
Holat yuzasidan huquqbuzarga nisbatan MJtKning 79-moddasi 1-qismiga asosan maʼmuriy bayonnoma rasmiylashtirildi. Daraxtlar kesilishi natijasida tabiatga 9 mln 350 ming so‘m zarar yetkazilganligi aniqlandi. Shuningdek, P.R. 3 mln 400 ming so‘m miqdorida jarimaga tortildi.
Huquqbuzar qilmishi uchun jami 12 million 750 ming so‘m miqdorida tovon to‘laydigan bo‘ldi.
