Adliya vazirligi Nokia kompaniyasining intellektual mulk huquqlarini himoya qildi
Vazirlik matbuot kotibi Sevara Urinbayevaning maʼlum qilishicha, Adliya vazirligi “Nokia Corporation"ning intellektual mulk huquqlarini himoya qildi.
Vazirlik matbuot kotibi Sevara Urinbayevaning maʼlum qilishicha, Adliya vazirligi “Nokia Corporation"ning intellektual mulk huquqlarini himoya qildi.
2023-yili Finlyandiya korporatsiyasining ishonchli vakili tomonidan O‘zbekistonda kompaniya tovar belgisidan noqonuniy foydalanish holatlari bo‘yicha vazirlikka murojaat yuborilgan.
Murojaat asosida Adliya vazirligi tomonidan tegishli tartibda o‘rganishlar o‘tkazildi. Natijada, Toshkent shahrida “Nokia” tovar belgisi bilan aynan bir xil bo‘lgan kontrafakt mahsulot sotilayotgani aniqlandi.
Mazkur holat yuzasidan Adliya vazirligi tomonidan maʼmuriy huquqbuzarliklar to‘g‘risida bayonnomalar rasmiylashtirilib, tegishli tartibda ko‘rib chiqish uchun sudlarga yuborildi.
Jinoyat ishlari bo‘yicha Shayxontohur hamda Chilonzor tuman sudlari tomonidan sakkiz nafar shaxsga 23 million 760 ming so‘m jarima jazosi tayinlandi.
Huquqbuzarlar Maʼmuriy javobgarlik to‘g‘risidagi kodeksning 177-moddasi birinchi qismi — mualliflik huquqi va turdosh huquqlarni buzganlik uchun maʼmuriy javobgarlikka tortildi.
