Tadbirkorlarning barqarorlik reytingi qanday ishlaydi?
Bugundan O‘zbekistonda tadbirkorlar reytingi joriy etilmoqda.
Soliq qo‘mitasining maʼlum qilishicha, yuqori reytingga ega tadbirkorlar rag‘batlantiriladi. Bunda reytingi past korxonalarga nisbatan jazo choralari qo‘llash nazarda tutilmagan.
Agar tadbirkor “AAA” toifadagi reytingga ega bo‘lsa:
— soliq organlari tomonidan tekshirishlar o‘tkazilmaydi;
— QQSdan hosil bo‘lgan soliq summasi bir kunda qaytariladi (amaldagi muddat 7 kundan 30 kungacha);
— QQSdan boshqa soliq turlari bo‘yicha hosil bo‘lgan ortiqcha soliqlar summalari uch kunda qaytarib berish (amalda 10 kundan 15 kungacha) yuzasidan qo‘shimcha preferensiyalar beriladi.
Yana bir rag‘batlantirish — soliq va bojxona organlarida tovarlarni import qilishda vaqtida to‘langan soliqlarni hisobga olish tizimi joriy qilinmoqda.
Bungacha bu faqat yirik soliq to‘lovchilar hamda 20 ming tadbirkor — 500 ming malakali mutaxassis dasturi doirasi sertifikat olgan korxonalar uchun amal qilar edi.
Endi reytingi yuqori bo‘lgan tadbirkorlik subyektlariga ham mazkur tartib tatbiq etiladi.
Reytingning asosiy maqsadi — tadbirkorlarni ixtiyoriy ravishda qonunchilikda belgilangan meʼyorlar bo‘yicha majburiyatlarni o‘z vaqtida bajarishiga undashdir.
