Qoidani qo‘pol buzgan avtobus haydovchisi ishdan olindi
“Toshshahartransxizmat” AJ Internetda tarqalgan videoga izoh berdi.
Avvalroq ijtimoiy tarmoqda Toshkentda 83-conli avtobus haydovchisi yo‘l qoidasini qo‘pol ravishda buzib harakatlangani aks etgan video tarqalgandi. “Toshshahartransxizmat” AJ Matbuot xizmati holat yuzasidan maʼlumot berdi.
Qayd etilishicha, “Toshshahartransxizmat” AJ 2-avtobus saroyi filiali rahbariyati tomonidan tekshuv ishlari olib borilgan. Tekshiruv yakunida qoidani buzgan haydovchi bilan tushuntirish ishlari olib borilib, u bilan tuzilgan mehnat shartnomasi bekor qilingan.
"Bunday holatlar yana kuzatilmasligi uchun barcha haydovchilar bilan tushuntirish ishlari o‘tkazildi", - deyiladi xabarda.
