Ukrainada Bayraktar dronlarini ishlab chiqaruvchi zavod qurilishi boshlandi
Yangi zavod yiliga taxminan 120 dona dron ishlab chiqarishni rejalashtirmoqda.
Turkiyaning Baykar kompaniyasi Ukrainada dron ishlab chiqaruvchi zavod qurilishini boshladi. Kompaniya TV2 yoki TV3 rusumidagi Bayraktar dronlarini ishlab chiqaradi.
Bu haqda kompaniya rahbari Xoluq Bayqar Saudiya Arabistonidagi qurol-yarog‘ ko‘rgazmasi chog‘ida Reuters agentligiga maʼlum qildi. Uning so‘zlariga ko‘ra, zavod Kiyev yaqinida qurilmoqda.
"Zavodimiz qurilmoqda, uni yakunlash uchun taxminan 12 oy vaqt kerak, keyin esa ichki mashinalar, uskunalar va tashkiliy tuzilmaga o‘tamiz. Ukrainadagi zavod katta, biz 500 ga yaqin odamni ish bilan taʼminlashni rejalashtirmoqdamiz", — deya maʼlum qildi Bayraktar Ar-Riyoddagi Butunjahon mudofaa ko‘rgazmasi chog‘ida.
U shuningdek, samaradorlik yiliga taxminan 120 donani tashkil etishini taʼkidladi, ammo Ukraina zavodida ishlab chiqarish qaysi (TB2 yoki TB3) dron modellariga yo‘naltirilishi hali aniq emas.
Xoluq Bayqar yangi zavod yiliga taxminan 120 dona dron ishlab chiqara olishini taʼkidladi.
Davom etayotgan urush bilan bog‘liq xavfsizlik muammolari zavod uchun xavf tug‘diradimi, degan savolga u ish reja bo‘yicha «to‘liq olg‘a ketayotganini» va «hech narsa» ularni to‘xtata olmasligini aytdi.
