“Baxti Tashkentskiy”ning akasi ham qidiruvga berildi
Unga tovlamachilik bo‘yicha ayblov qo‘yilgan.
Bugun bir qator jinoyatlar bilan ayblangan "Baxti Tashkentskiy" (Baxtiyor Qudratullayev)ning akasi Shuxrat Qudratullayev va yana ikki nafar shaxsga nisbatan qidiruv eʼlon qilindi. Bu haqda Toshkent shahar IIBB maʼlum qildi.
Qayd etilishicha, Jinoyat kodeksining 165-moddasi (Tovlamachilik) bilan ayblanayotgan 1964 yilda tug‘ilgan Isomiddinov Husan Hoshimovich, 1966 yilda tug‘ilgan Qudratullayev Shuxrat Zaparovich va 1988 yilda tug‘ilgan Vafoyev Feruz Muhammadsalayevich jinoyat ishi doirasida tergovdan qochib yashiringan.
